د لوگر د پوهنې ریاست مسوولین وايي، په روان ۱۴۰۳ ښوونیز کال له پیلېدو راهیسې په دغه ولایت کې ۱۸ زره د ښوونځي په عمر برابر نوي ماشومان ښوونځیو ته جذب شوي دي.
له یاد ریاست څخه په خپره شوې خبرپاڼه کې ویل شوي، یاد زدهکوونکي د هلکانو او نجونو په ۲۸۱ ښوونځیو کې جذب شوي دي، چې ټولو په ښوونځي کې د شاملولو عمرونه پوره کړي دي. :«په جذب شوو زدهکوونکو کې ۱۲ زره هلکان او ۶ زره نجونې شاملې دي چې له جذب وروسته دوی ته درسي کتابونه او درسي توکي هم ورکړل شوي دي.»
د يادونې وړ ده، چې د لوگر د پوهنې ریاست دا مهال د هلکانو او نجونو ۲۸۱ ښوونځي لري چې د جذب شوو زدهکوونکو په گډون شاوخوا ۱۸۶ زره زدهکوونکي پکې په زدهکړو بوخت دي.
د هېواد په سړو سیمو کې نوی ښوونیز کال د وري په میاشت کې پیلېږي او په تودو سیمو کې بیا نوی ښوونیز کال د وږي میاشتې په ۱۵مه پیلېږي.
د پوهنې وزارت وايي، په ټول هېواد کې زرگونه هلکان او نجونې ښوونځیو ته جذب شوي دي.