د افغان حکومت ویاند، مولوي ذبیحالله مجاهد ویلي، چې له پاکستاني لوري سره د مذاکراتو لپاره د افغان دفاع وزیر مولوي محمد یعقوب مجاهد په مشرۍ یو لوړپوړی پلاوی نن دوحې ته تللی دی.
مجاهد په یوه خبرپاڼه کې، پر پکتیکا د پاکستان پوځي رژیم د تېرې شپې برید غندلی او ویلي یې دي، چې ا.ا دا ډول کړنې د جګړې د دوام هڅې او پارونې عمل ګڼي.
نوموړي ویلي، سره له دې چې افغان حکومت د پاکستان پوځي رژیم تېری او د افغانستان د هوایي حریم نقض ته د ځواب ویلو حق ځانته خوندي بولي؛ خو د مذاکراتي ټیم د حیثیت ساتلو لپاره دې افغان ځواکونه له نویو تحرکاتو ډډه وکړي.
ښاغلي مجاهد ټینګار کړی، چې افغانستان په سولهییز حل او سیمهییز امن باور لري؛ «خو کوم څه چې پېښيږي هغه ټول د پاکستاني اړخ د تجاوزونو له امله ده.»