د رياست الوزرا اقتصادي مرستيال ملا عبدالغني برادر «په افغانستان کې پانګونې ته بلنه» تر عنوان لاندې لوی کنفرانس ته په خپله وینا کې د خصوصي سکټور ملاتړ ته په اشارې سره ويلي، اسلامي امارت د کورنیو تولیداتو د ملاتړ په موخه پر هغو وارداتي اقلامو ګمرکي تعرفې لوړې کړې، چې هغه په کور دننه تولیدیږي او د هېوادوالو اړتیاوې پوره کولی شي.
ښاغلي برادر زياته کړې چې د دې تر څنګ ټولو امارتي ادارو ته هدایت شوی چې د خپلو خریداریو پرمهال کورنیو تولیداتو او محصولاتو ته لومړیتوب ورکړي او پر دې سربېره له خصوصي سکټور څخه د ملاتړ صندوق هم جوړ شوی چې په بېلابېلو برخو کې ښې لاسته راوړنې لري.