د سرپرست حکومت رئیس الوزراء مولوي محمد حسن آخند د اوبو نړیوال کنفرانس ته په پیغام کې ویلي، چې سرپرست حکومت د اوبو مدیریت د وخت اړتیا بولي او ښه مدیریت ته یې ژمن دی.
نوموړي په دغه پیغام کې، له استادانو او متخصصینو غوښتي چې د اوبو نړیوال کنفرانس له لارې د اقلیم بدلون، وچکالۍ او سیلابونو ستونزو ته علمي حللارې وړاندې او له اړوندو ادارو سره یې شریکې کړي.
د یادونې وړ ده چې یاد کنفرانس نن په کابل کې د کورنیو او بهرنیو متخصیصینو په شتون کې پیل شوی.