د ملي دفاع وزارت وايي، د ۲۰۳ منصوري قول اردو څلورمې لوا د درېیم کنډک تخنیکي او مسلکي انجینرانو له لوري گڼ شمېر بېلابېل نظامي وسایط ترمیم او ګټې اخیستنې ته چمتو شول.
له یاد وزارت څخه په خپره شوې خپرپاڼه کې ویل شوي، په یادو وسایطو کې ١٢ عرادې هاموي ټانگونه، ١٥ عرادې رنجر، ١٠ عرادې انټرنیشل موټر او ٤ عرادې امبولانسونه شامل دي.
ملي دفاع وزارت نږدې هره اوونۍ د هېواد په بېلابېلو قول اردوگانو کې گڼ نظامي وسایط بېرته رغوي او گټه اخیستنې ته یې چمتو کوي.
د یاد وزارت د معلوماتو پر بنسټ، اوسمهال سلگونه نظامي وسایط د ترمیم لاندې دي، چې په نږدې وخت به یې د ترمیم چارې پای ته ورسېږي او د افغان ځواکونو په واک کې به ورکړل شي.