د ملګرو ملتونو ځانګړي راپور ورکوونکي ویلي، چې د سوډان الفاشر او کادوګلي ښارونه قحطۍ له وژونکې څپې سره مخ دي.
د راپورونو له مخې، د سوډان پر الفاشر ښار د غوڅ ملاتړ ملېشو تر کنټرول وروسته بشري ناورین لا ژور شوی.
ویل شوي، د دغو ملېشو د ظلمونو له امله لسګونه زره خلکو خپل کورونه پرېښي او د دغه ښار څنډو ته کډوال شوي دي.
د ملګرو ملتونو د ارزونو له مخې د سوډان دارفور او کردفان ولایتونو په ۲۰ نورو سیمو کې هم عام خلک د قحطۍ له جدي ګواښ سره مخ دي.