د هېواد د ملي دفاع وزارت سرپرست مولوي محمد یعقوب مجاهد د امنیتي او تصفیوي کمیسیون په نوبتي غونډه کې ویلي، چې د هېواد ساتنه او د ولس د امنیت ساتنه د ټولو مسؤلینو شرعي وجیبه ده، چې باید په اخلاص تدبیر او دوامداره توګه ترسره شي.
د امنيتي او تصفیوي چارو د مرکزي کمېسيون په خبرپاڼه کې راغلي، چې یاده غونډه نن (چهارشنبه، د غویي ۲۴مه) د ښاغلي مجاهد په مشرۍ د دغه کمیسیون د اکثریت غړو په شتون کې ترسره شوې.
د یاد کمیسیون په خبرپاڼه کې راغلي، چې په دغه غونډه کې د ولایتونو له لوري استول شوي وړاندیزونه او راپورونه مطرح شوي، د تشکیلاتو د اصلاح پر اړتیا ټینګار شوی او په اړه یې لازمې لارښوونې هم شوې دي.