د میدان وردګو ولایت اطلاعاتو او کلتور ریاست وایي، چې یاد ولایت کې بیرته راستنو شویو کډوالو ته د ځمکو وېش لړۍ پیل شوه.
سرچینه زیاتوي، چې په لومړي پړاو کې ۷۵ کورنیو ته ځمکې ورکړل شوي، چې موخه یې راستنېدونکو لپاره د دایمې استوګنې زمینه برابرول دي.
د میدان وردګو ولایت د کډوالو او راستنېدونکو چارو آمر مولوي عبدالرحمن هاشمي ټینګار کړی، چې د ځمکې وېش باید د اصولو، مقرراتو او شفافيت له مخې په عادلانه او منظم ډول ترسره شي.
ورته مهال مسؤلینو ډاډ ورکړی، چې دا بهیر به له هر ډول تبعیض پرته او د ښاري اصولو په رڼا کې عملي کېږي.