ناروې: په افغانستان کې د اقلیم بدلون په اړه غونډه جوړ وو

د چاپېریال ستانې ملي اداره وايي، د افغانستان لپاره د ناروې کمېټې عمومي رئیس تاریه مگنوسن واتردال د دې ادارې د پالیسۍ او مسلکي معین زین العابدین عابد سره لیدلي او په گډو همکاریو یې خبرې کړې دي.له یادې ادارې څخه په خپره شوې خبرپاڼه کې ویل شوي، ناروې په افغانستان کې د خوړو خوندیتوب، طبیعي زېرمو او کرنې په برخه کې کار کوي او ناروې چمتو ده چې د چاپېریال ساتنې ادارې سره په گډه کار وکړي.د واتردال په خبره، ناروې د افغانستان په څو ولایتونو کې د نیالگیو اېښودو فارمونه جوړ کړي او هڅه کوو چې د چاپېریال ساتنې په برخه کې نورې پروژې هم پلې کړو، تر څو په افغانستان کې د اقلیمي بدلون د منفي اغېزو پر وړاندې په گډه مبارزه وکړو.:« افغانستان ته باید د اقلیمي بدلون نړیوال کنفرانس قاف ۲۸ کې د گډون بلنه ورکړل شوی وی او ناروې د افغانستان سره په گډه دا غږ پورته کوي چې په راتلونکي نړیوال کنفرانس کې چې په اذربایجان کې جوړېږي، بلنه ورکړل شي.»ده ویلي، ناروې په اپرېل میاشت کې د افغانستان او پاکستان په اړه د اقلیمي بدلون کنفرانس کوربه وي او له دې سره جوخت به په کابل کې د اقلیمي بدلون په اړه د چاپېریال ساتنې ادارې، نړیوالو موسسو او نورو ادارو سره په گډه د اقلیمي بدلون یوه گډه غونډه جوړه کړي.په خبرپاڼه کې د دې ادارې د مسلکي مرستیال زین العابدین عابد له قوله ویل شوي، اوسمهال په افغانستان کې بشپړ امنیت دی او نړیوال بنسټونه کولی شي چې له افغان حکومت سره په گډه پروژې پلې کړې.:« افغانستان د اقلیمي بدلون په برخه کې سخت زیان لیدلی، کرنې سکتور ترڅنگ د اوبو او روغتیا برخو هم ډېر زیانمن شوي دي.»د عابد په خبره، د چاپېریال ساتنې اداره د هېواد په هر ولایت کې ۲۰ جریبه ځمکه لري او ناروې کولی شي هلته د نیالگیو فارمونه جوړ کړي او خپلې څېړنې هم وکړي.:«موږ د نمونه‌يي ځنگلونه طرحه جوړه کړې او ډېر ژر به یې په ټول هېواد کې پلې کړو.»ناروې داسې مهال په افغانستان کې د اقلیمي بدلون د غونډې خبره کړې، چې یوه اوونۍ وړاندې په ننگرهار پوهنتون کې هم د اقلیمي بدلون په اړه نړیوال کنفرانس جوړ شوی و، چې گڼو نړیوال بسنټونو پکې برخه اخیستې وه.افغانستان د نړۍ له لسو هغو هېوادونو څخه دی چې له اقلیمي بدلون څخه ډېر زیانمن شوی دی.