د ننگرهار د اقتصاد رئیس عطاءالرحمن فاتح وايي، پرو سږکال په دغه ولایت کې د څهباندې ۷۶.۴ مېلیونه ډالرو په ارزښت پروژې پلې شوې دي.
نوموړي د یوې خبري غونډې پر مهال ویلي، پرو سږکال د کورنيو او بهرنيو موسساتو د ۷۶ مېلیونه، ۴۱۰ زره او ۳۰۰ امريکايي ډالرو مالي لگښت په بېلابېلو برخو کې ۲۱۱ پروژې پيل شوي، چې له جملې يې ۱۲۱ بشپړې شوي او د ۹۰ پروژو چارې روانې دي.: «پرو سږکال ملي بوديجې څخه په دې ولايت کې د ۳۰۲ مېليونه افغانيو په مالي لگښت ۱۳ پروژې پلې شوي او سږکال د دوه مېليارده افغانيو په ارزښت ۱۵۴ پروژې وړانديز شوي چې له منظورېدو وروسته به يې عملاً چارې پيل شي.»
نوموړي ویلي، د اقتصاد رياست موسساتو سره سروکار لري. په دې ولايت کې ۱۵۷ موسسې فعاليت کوي، چې له ډلې يې ۴۷ بهرنۍ او ۱۱۰ کورنۍ دي او په دې وروستيو کې ۳۰ نورو کورنيو او بهرنيو موسسو تازه فعاليت پيل کړی چې دوی ټولو ته لازمې اسانتیاوې برابرې شوې.: «موږ پرو سږکال د کورنيو او بهرنيو موسسو له کړنو او بېلابېلو پروژو څخه څارنه کړې، چې د ښه فعاليت ستاينه شوې او نيمگړتیاوې یې په گوته شوي او حل شوي دي، موسساتو سره ښې اړیکې لرو او دوی ته د لا ښې همکارۍ او همغږۍ ډاډ ورکوو.»
د فاتح په خبره، په بېلابېلوبېلو برخو کې يې د اړتياوو پوره کولو په موخه ولايتي پروفايل د کتاب په بڼه ليکلی او موسساتو سره يې شريک کړی، همدا راز يې د اړتياوو یوه طرحه جوړه کړې او مرکز ته یې د تطبيق په موخه لېږلې ده.: «پرو سږکال مو ۱۳۵۰۰ کسانو ته لنډ مهاله او اوږدمهال کاري فرصتونه او د مېرمنو په گډون مو سلگونه کسانو ته د حرفوي زدهکړو زمینې برابرې کړي دي.»