د صنعت او سوداګر وزیر نورالدین عزیزي له ازبکستان هېواد څخه تر راستنېدو وروسته ویلي، چې د ازبکستان نندراتون کې له سل میلیونه ډالرو زیات تړونونه شوې دي.
نوموړي زیاته کړې، چې له ازبکستاني چارواکو سره یې په کتنو کې پر سوداګرۍ او د دغو دوو هېوادونو ترمنځ په ۱۷ سکټورونو کې د اسانتیاوو پر رامنځته کولو هم خبرې کړې دي.
د صنعت او سوداګرۍ وزارت د معلوماتو پر اساس په دغه نندارتون کې۲۵۰ تنو سوداګرو او صنعتکارانو ګډون کړی و او د افغانستان کورني تولیدات یې په کې نندارې ته وړاندې کړل.
دغه نندراتون د ازبکستان پلازمېنه “تاشکند” کې جوړ شوی و او څلور ورځې یې دوام وکړ.
عزيزي دغه راز زیاته کړې، چې له ازبکستاني چارواکو سره يې د افغان – ټرانس رېل پټلۍ د پروژې د پلي کېدو او د ترمز – مزارشريف تر هرات او کندهار پورې د رېل پټلۍ غځېدو په برخه کې د همکاريو د پراختيا په اړه هوکړې ته رسېدلي دي.