امنيتي سرچينو هندوکشغږ ته تاييد کړه چې د نورستان واما ولسوالۍ د استخباراتو امریت منسوبینو د عملیاتو په ترڅ کې د بغاوت ډلې يو تن غړی وژلی دی.
د امنيتي سرچينې د معلوماتو له مخې ياد کس حیات الله ولد سید هاشم د واما ولسوالۍ د کوردر سیمې اوسېدونکی وو چې بېګا شپه ١١ بجې وژل شوی.
د سرچينې په وينا که څه هم امنيتي ځواکونو یې د نیولو هڅه کوله، خو نوموړي د مقاومت هڅه کړې او وژل شوی.
د سرچينې په خبره په يادو عملیاتو کې نور چاته زیان نه دی اوښتی او یو میل کلاشنکوف، یو میل توفنګچه او یو لاسي بم د امنيتي ځواکونو لاسته ورغلي دي.
په وروستۍ مياشت کې د مرکز کابل په ګډون په پروان تخار او کندز ولايتونو کې هم د امنيتي ځواکونو په بېلابېلو عملياتو کې د بغاوت ډلې ډېر شمېر غړي وژل شوي او يا هم ژوندي نيول شوي دي.