د کليو بيارغونې او پراختيا وزير، ملا محمد يونس اخندزاده له خوا د هرات ولايت په ۱۰ ولسواليو کې د ۳۰ بېلابېلو پراختيايي پروژو چارې پیل شوې.
د کليو بيارغونې او پراختيا وزارت وایي، د دغو پروژو لګښت شاوخوا ۲.۷ میلیونه ډالر اټکل شوی.
د یادو پروژو د کار په بهير کې به سلګونه تنو کاریګرو ته د کار زمینه برابره او په بشپړیدو سره به يې په اړوندو برخو کې د خلکو ستونزې هوارې شي.
د یادونې ده چې تر دې وړاندې هم د یاد وزارت له لوري د هېواد په بېلا بېلو ولایتونو کې د سلګونه پروژو چارې پيل شوې، چې دا مهال یې چارې روانې دي.