راپورونه وایي، د هندوستان په اسام ایالت کې د پولیسو او لاریونوالو ترمنځ نښته کې دوه کسان وژل شوي او تر ۵۰ ډېر ټپیان شوي دي.
د ټپیانو له منځه ۴۸ تنه پولیس دي، چې په کې دوه لوړ پوړي افسران هم شامل دي.
هندۍ انډيا ټایمز ورځپاڼې راپور ورکړی، چې یاد لاریون د اسام په کاربي انګلونګ ولسوالۍ کې د ځمکو د غصب پر ضد پیل شو، چې وروسته پر تاوتریخوالي واوښت.
لاریونوالو د لاریون پرمهال ګڼو هټیو او د یوه ځایي چارواکي کور ته یې اور هم اچولی.