د هرات ولايت مقام په يوه خبرپاڼه کې وايي چې ډ ټاپي پروژې عمومي رییس عبدالله یوف د هرات له سرپرست والي مولانا اسلام جار سره په لیدنه د یادې پروژې د چارو د چټکتیا خبر ورکړی دی.
د خبرپاڼې پر بنسټ عبدالله یوف له ښاغلي اسلام جار سره په خبرو کې ويلي چې تر دې مهاله د ټاپي پروژې شپږ کیلو مټره پایپ لاین غځول شوی دی.
له بل لوري بيا د هرات سرپرست والي د ټاپي پروژې د مسوولینو هڅې ستایلي او د دې پروژې د پرمختګ لپاره د اړینو اسانتیاوو برابرولو کې د سیمهییزې ادارې د هر اړخیزې همکارۍ ډاډ ورکړی.