د امریکا ولسمشر ډونالډ ټرمپ په تازه څرګندونو کې ویلي چې، امریکا له اوکراین سره یوې هوکړې ته نږدې شوې ده چې د اوکراین د جګړې د پای ته رسولو د هڅو د یوې برخې په توګه د دغه هېواد له معدني سرچینو څخه عواید ترلاسه کړي.
ټرمپ ويلي چې، د اوکراين له معدني سرچينو څخه به هغه اندازه ګټه ترلاسه کړي، څومره چې د امريکا له لوري له دغه هېواد سره مرسته شوې ده.
هغه ویلي، امریکا ۳۵۰ میلیارده ډالره مرسته وکړه ځکه چې موږ یو احمق او بې کفایته ولسمشر او حکومت درلود.