رویټرز خبري اژانس راپور ورکړی چې د امریکا ولسمشر، ډونالډ ټرمپ پر حماس غورځنګ غږ کړی، چې د شنبې تر ماښام پورې دې اسرائيلي بندیان خوشې کړي او که دا کار ونکړي هغه به د اسرائيلو او حماس ترمنځ د اوربند د تړون د لغوې وړاندیز وکړي.
هغه حماس غورځنګ ته ګواښ وروسته له هغې وکړ، چې تېره ورځ حماس د هغو اسرائيلي بندیانو د خوشې کولو لړۍ وځنډوله چې په پام کې ده راتلونکې شنبه خوشې شي.
حماس ویلي، دغه لړۍ یې ځکه ځنډولې چې صهيونيستي اسرائيلو په غزه کې د اوربند هوکړه نقض کړې، بمبارد یې کړی او غزې ته د تلونکو بشري مرستو مخه یې نیولې ده.