پاکستاني طالبانو(TTP) د ۲۰۲۵ کال د پسرلي له راتګ سره د «الخندق عملیات» اعلان وکړ. د دې عملیاتو موخه، د دوی په وینا، د پاکستان پر امنیتي ځواکونو تعرضي بریدونه، هدفي وژنې او سرتېري حملې دي چې د پرمختللیو وسلو په ذریعه به ترسره کېږي.
پاکستاني طالبان وايي، چې دا عملیات یې له غزوۀ خندق څخه الهام اخیستی، چېرته چې مسلمانانو د دښمن پر وړاندې دفاعي خندقونه جوړ کړل او بریا ته ورسېدل. دغه ډلې د پاکستان پر پوځ سختې نیوکې کړي او ویلي یې دي چې هېواد یې د بحرانونو کندې ته ټېل وهلی.
پاکستاني طالبانو پر پاکستاني ولس هم غږ کړی چې د دوی ملاتړ وکړي او له خلکو یې غوښتي چې له پوځ او امنیتي ادارو سره هر ډول همکاري ودروي. دوی ادعا کوي چې د دوی جهادي مبارزه به بالاخره پاکستان ته «اصلي امن» راولي.