د هندوکش غږ سرچينې وايي، چې پاکستاني طالبانو د خیبر پښتونخوا د کورمې ولسوالۍ د صدې تحصیل په مناتو کلي کې د کمین په ډول د پوځ پر یوه کاروان بريد کړی چې په پايله کې یې ۸ پوځیان وژلي او ۱۰ نور یې ټپیان کړي دي.
سرچينې زياته کړې، چې په برید کې د پوځ دوه موټر په بشپړ ډول تخريب شوي او څلورو نورو ته هم زیان اوښتی دی.
د سرچينې په خبره، پاکستاني طالبانو له پوځیانو څخه دوه جيتري ټوپکونه، یو کلاشنکوف او یو دوربين ترلاسه کړي او له سيمې څخه په خوندي ډول وتلي دي.