د پاکستاني طالبانو غورځنک په یوه خبرپاڼه کې ویلي چې، ځواکونو یې پرون، غرمه مهال د بدر ولسوالۍ «مومي کړه مټې» سیمه کې یو پاکستاني پوځي د درازکوف ټوپک په برید کې وژلی.
یاد غورځنګ په یوه بله خبرپاڼه کې ویلي، چې ځواکونو یې، نن د بنو ولایت غزنیخېلو ولسوالۍ اړوند پر تترخېل بایپاس سیمه کې یو پاکستانی «پولیس کانسټېبل» د یوه برید په ترڅ کې وژلی او د نوموړي وسله یې هم غنیمت کړې ده.
د یادونې وړ ده چې پاکستاني طالبانو په وروستیو څو میاشتو کې پر پاکستاني پوځ او امنیتي ادارو خپل بریدونه د پام وړ زیات کړي دي.