له خیبر پښتونخوا څخه ځايي سرچينو هندوکش غږ ته تائيد کړه چې، پاکستاني طالبانو د کرمې ولسوالۍ د صدې په سيمه کې د «خادم» په نوم د پاکستاني حکومت یو جاسوس قتل کړی.
سرچينه وايي، ياد جاسوس چې د يو شمېر پاکستاني طالبانو په نښه کولو کې یې لاس درلوده، پنځلس ورځې وړاندې پاکستاني طالبانو د يو لړ پېچلو عملياتو په ترڅ کې نیولی و.
د معلوماتو له مخې، نوموړی جاسوس پرون د پاکستاني طالبانو د مرکزي دارالافتاء او محکمې د بشپړ تفتیش، تحقیق او پرېکړې څخه وروسته قتل شوی.