ملي دفاع وزارت د يوه وضاحت په خپرولو سره ويلي، چې پاکستاني پوځي رژيم سره قطر کې د اوربند هوکړې ټول جزئيات د ملي دفاع وزير په مطبوعاتي کنفرانس کې وړاندې شوي.
سرچينه وايي، په تمامه معنا اوربند، يو بل ته متقابل درناوی، په يو بل بريدونه نه کول، د خبرو اترو له لارې د ټولو مسايلو حل، د دوحې هوکړې مهم مسايل دي او له دې ورهاخوا هېڅ پټ ضمايم نشته.
وړاندې تر دې ځينو رسنيو راپورونه خپاره کړي و، چې ګواکې د دوحې غونډې او هوکړې ځينې جزئيات پټ پاتې شوي او نه دي رسنيز شوي.