د پاکستاني رسنیو د راپورونو لهمخې، د خیبر پښتونخوا او پاکستان په بېلابېلو سیمو کې د شدیدو اورښتونو او سیلابونو له امله ۴۵ تنه مړه او ۶۸ نور ټپیان شوي دي.
د پاکستاني چارواکو د معلوماتو له مخې، د روان میلادي کال د جون میاشتې له ۱۶مې نېټې راهیسې تر ټولو زیات تلفات په خیبرپښتونخوا کې ثبت شوي.
له بلې خوا عام پاکستاني اتباع د بېړنیو پېښو پرمهال د دغه هېواد حکومتي ادارې د ملکي وګړو په ژغورنه کې پاتې بولي او د دغو ادارو د چارواکو د محاکمې غوښتنې کوي.