پخوانی پاکستانی جګړن عادل راجه، د ايران وروستيو ترينګلتياوو ته په اشارې ويلي، چې
پاکستان په ایران کې د «رژیم بدلون» ملاتړ کوي او د امریکا–اسرائیلو له محور سره همغږی شوی.
عادل راجه ويلي، پاکستاني رژيم غواړي په دې کار سره په واشنګټن کې خپل اهمیت بېرته ترلاسه کړي.
راجه د خپلو داخلي معلوماتو پر اساس زياته کړې، چې پاکستان په دې سره غواړي، چې پر چین ستراتیژیک نفوذ ومومي او د کور دننه ژورېدونکی د انرژۍ بحران راکم کړي.
ياده دې وي، چې پاکستاني رژيم تر دې وړاندې هم د غزې په ګډون د اسلامي نړۍ اړوند په ډېری موضوعاتو کې د اسرائیلو او امريکا په صف کې درېدلی دی.