د کورنیو چارو وزارت وایي، د پروان امنیې قومندانۍ امنیتي ځواکونو د دې ولایت د باګرام ولسوالۍ په «قلعه نصروي» سیمه کې د یو لړ عملیلتو په ترڅ کې د یوه سوداګر ۳۶۵ زره افغانۍ او ۲۰۰ امریکايي ډالر چې څه موده وړاندې ترې نامعلومو کسانو غلا کړې وې موندلي او سوداګر ته یې سپارلي دي.
د یاد وزارت په وینا، په دې تړاو یو تن له یو میل کلاشینکوف او یو کرولا موټر سره نیول شوی، چې د نورو معلوماتو او په قضیه کې د نورو ښکېلو کسانو د موندلو په موخه ترې څېړنې روانې دي.