د صهیونیستي رژیم پوځ تائید کړه چې، د غزې تړانګې په بیت حانون سیمه کې د حماس غورځنګ د پوځي څانګې (کتائب القسام) په دوه جلا کمینونو کې یې لږ تر لږه ۱۴ پوځيان ټپیان او څلور نور وژل شوي دي.
وړاندې تر دې تسنیم خبري اژانس د عبرې رسنیو پر حواله لیکلي وو، چې د ټپي شویو پوځیانو له ډلې د څلورو تنو وضعیت نازک دی.
د «حدشوت للو تسنزورا» په نوم یوې صهیونیستي خبري سرچینې دا پېښې ډېرې خطرناکې بللي او زیاته کړې یې ده چې جګړه لا هم دوام لري.
له بل لوري د حماس اسلامي غورځنګ پوځي څانګې دا بریدونه د صهیونیستي «خودساخته» دبدبې پای بللی او خبرداری یې ورکړی، چې د اشغال تر دوامه به د «دښمن» د عسکرو وژل کېدل دوام ولري.