د پنجشېر امنیتي چارواکي وايي، نن د دغه ولایت د حصه اول ولسوالۍ د خینج سیمه کې دوه تنه باغیان یې له وسلو او مهماتو سره نیولي دي.
د پنجشېر د امنیه قومندانۍ ویاند عابدالله فاروقي وايي، یاد کسان یې له یو شمېر مهماتو او شواهدو سره نیولي، چې غوښتل یې په دغه ولایت کې امنیت اخلال کړي.
د فاروقي په خبره، نیول شوو کسانو پرو سږکال په حصه اول ولسوالۍ کې ځینې بمي چاودنې هم کړې وې او هم یې د بغاوت ډلې ځینې فزیکي کارونه کول.
د یادونې وړ ده، چې تېرې جمعې په ورځ د بغلان نهرین ولسوالۍ کې هم ځانګړو ځواکونو د باغیانو دوه مهم قومندانان وژلي وو.