د ننګرهار ځايي مسولين وايي د ياد ولايت په شپږو ولسواليو بهسود، حصارک، چپرهار، سره رود، مومندره او لعلپوره کې د «موتيا» په نوم د عطري ګلانو د فارمونو جوړېدو چارې پيل شوې.
د مسوولينو په خبره د «موتيا» ګل دغه بوټي د کرنې او مالدارۍ وزارت د ۱.۳ میلیونه افغانیو د داخلي عوایدو څخه ورکول کېږي، چې د اوس لپاره په ازمایښتي ډول کېنول کېږي؛ خو د حاصلاتو د ښې نتیجې وروسته به یې د کر او کښت ساحه پراخه شي.
د يادونې وړ ده چې موتيا ګل هغه بوټی دی چې د سينګار، عطرو او ښکلا توکو په جوړولو کې ترې ګټه اخيستل کېږي.