شېر کړئ Facebook Twitter بریښنالیک Telegram WhatsApp لیکوال: وکیل احمد قاسانيد هندوکش غږ د راپورونو پر بنسټ د امریکا د سولې انستیتیوت یو ټیټ رتبه هیئت په دې وروستیو کې د مقاومت شوری له لوړ رتبه هیئت سره لیدنه کړې ده، دغه تمسخر آمېزه لیدنه د مقاومت شوری په ټولو هغه مشرانو د رشخند وهلو یو نمونه ده، چې د ځان ښودنې او شخصي ګټو په لټه کې دي.له مقاومت شوری سره د غیر متوازنو لیدنو په دوام، په دغه لیدنه کې هم د سولې انستیتیوت ټیټ رتبه غړو ميرمن کمبرلي او افغاني الأصله امريکايي سيد عزيزالله سادات هاشمي، د مقاومت شوری د تصمیم نیونې په کچه مشرانو، لکه عبدالرشید دوستم، محقق او الماس زاهد سره لیدنه کړې ده؛ دا لیدنه په اصل کې په مقاومت شوری تمسخر و، خو دوستم، محقق، زاهد او د دغه شوری نور غړي بیا لومړی ورته خوشحال وو او دا یې خپله لاسته راوړنه بلله.د مقاومت شوری غړو هیله درلوده، چې د امریکا د سولې انستیتیوت به له دوی سره د امریکايي مرستو د محمولو په برابرولو کې مرسته وکړي، د هېواد د بیا ځل ورانولو او شخصي ګټو د تأمین په موخه به د دوی هر اړخیز ملاتړ وکړي او پر ټانګونو سپاره به یې بیا ځل د ارګ په منځ کې ښکته کړي، خو له دوی سره د دغه انستیتیوت د ټيټ رتبه غړو لیدنې او شوری ته د عزیز الله سادات د غږیز کلیپ له رسېدو وروسته د دوی هیلې مړاوې شوې.مقاومت شوری له ډېرو هېوادونو، سازمانونو، قاچاقبرانو، د وسلو له کمپنیو او نورو ټولو ادرسونو ستړي شوي، ځکه چې هیڅ چا یې ملاتړ ونهکړ او لا یې منزوي کړل؛ خو لا یې هیلې نه وې مړاوې شوې، د امریکا داسې یو انستیتیوت ته یې تمه پیدا شوې وه چې یو غیر انتفاعي سازمان دی، د امریکا په بهرنۍ پالیسۍ، پرېکړو، تصمیم نیونې، د منازعاتو په حل او نورو مهمو مسایلو کې ځانګړی رول نه لري، بلکې چارې یې ډیري محدودي دي. د عزیز الله سادات غږیز کلیپ د دغه شوری تر ټولو لوېدلی حالت لا څرګند کړ، هغه په کنایي الفاظو د مقاومت شوری غړي مخاطب کړل او ویې ویل: ټول ښه پوهيږو چې خبره څه ده؟ فلانی(یعنې دوستم) په دې خاطر په قهر دی چې مونږ په انقره کې ورسره وليدل. زیاتوي؛ هو! مونږ دا ليدنې کوو خو ټول ښه پوهيږو چې خبره څه ده؟ څوک څومره وزن لري او خلک او نړۍ له دوی څخه څومره راضي دي؟ وروسته وايي، زه هم نه وم خبر، خو وروسته متوجه شوم چې په رسنيو کې زمونږ د ملاقات عکسونه او خبرونه نشر شول، دا کارونه دوی خپله کوي تر څو وښيي چې بالآخره مونږ هم يو څوک يو او دا دی خلک هم راسره ويني.د سادات وروستی غږیز کلیپ او د غیر متوزان هیئت لیدنې د مقاومت شوری تر ټولو لوېدلی حالت لا روښانه کړ، په سیاسي ډګر کې د دوی وزن، اهمیت او اصلي څهره ټولو وپېژندله. ټول پر دوی بې باوره شوي، د ټولو په منځ کې یې پخوانی اهمیت او د استفادې تفکر له منځه تللی.د هندوکش غږ د معلوماتو پر بنست، عبدالرشید دوستم چې په نظامي برخه کې یو لوبېدلی او معامله ګر کس دی، خو له دې وړاندې هم څو تنو تېر ایستلی و او څو تنه بې هویته افرادو ځان د یو اسیايي هېواد د جنرالانو په توګه ور معرفي کړی و، خو په اصل کې جنرالان نه وو. د مقاومت شوری په لوړ رتبه مشرانو داسې تمسخر د دوی په وروسته پاتې حالت دلالت کوي او دوی په سیاسي ډګر کې تر ټولو سپک سیاسيون معرفي کوي.یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.
