د اوبو او انرژۍ وزارت وایي، د پکتیکا ولایت په مرکز ښرنه کې د ۲ مېګاواټه لمریزې برښنا پروژه ګټې اخیستنې ته وسپارل شوه.
د یاد ولایت د اوبو او انرژۍ رئیس ویلي، چې دغه پروژه د پکتیکا ولایت د بازار او ټولو دولتي ادارو د اړتیا وړ برښنا چمتو کوي.
نوموړي له نورو پانګوالو غوښتي، چې په دغه ولایت کې د برښنا د تولید په برخه کې پانګونه وکړي.
د یادونې وړ ده، چې یاده پروژه د پکتیکا د اوبو او انرژۍ ریاست تر چتر لاندې د یوه خصوصي شرکت له لوري پلې شوې ده.