د ښاري اوبو رسولو او فاضلابو امارتي شرکت ویاند، رحمت الله صارم هندوکشغږ ته ویلي، چې یاد شرکت په نږدې راتلونکې کې کابل ښار کې د ځمکې ژورو ته د اوبو د تزریق مهمه پروژه په لاس کې لري.
د ښاغلي صارم په خبره، یادې ادارې د کابل ښاریانو د اوبو ستونزو د حل په موخه یوه پروژه تر کار لاندې نیولې، چې په کې د کابل ښار لاندې سیمو ته د اوبو لېږد شامل دی.
د نوموړي په وینا، دغه پروژه به له حضوري چمن څخه تر سینمای پامیر او له شهر کهنۀ، چنداول او له مالیې وزارت څخه تر شهر نوه پورې سیمو کې تطبیق شي.
د یادونې ده، چې کابل ښار کې تر ځمکې لاندې اوبه د پرځول شوي جمهوریت پر مهال د منظم څار د نشتوالي له امله په شدت کمې شوې؛ خو په تېرو څلورو کلونو کې د افغان حکومت له لوري د دغې ملي شتمنۍ د ژغورلو هڅې ګړندۍ شوې دي.