د کابل امنيه قومندانۍ ویاند خالد ځدراڼ وايي، د ياد ولايت د ۱۵مې حوزې پولیسو د غلو یو لوی بانډ نیولی دی، چې په بېلابېلو ولایتونو کې یې تر ۱۰۰ ډېر موټرونه غلا کړي دي.
د نوموړي په خبره په دغه بانډ کې نه یوازې د موټرو اصلي غله، بلکې هغه همکاران هم شامل دي چې غلا شوو موټرونو ته یې جعلي شاسي نمبرونه جوړول او رنګونه بدلول.
ښاغلی ځدراڼ زياتوي، چې له نیول شویو کسانو سره شاوخوا ۳۰ موټرونه، د موټرو اسناد، شاسي نمبرونه او ځینې نور توکي هم نیول شوي دي.