په کابل کې د قزاقستان د سفارت شارژدافیر کاسیز اکباسوف له یوې رسنۍ سره په ځانګړې مرکه کې ویلي چې، افغانستان د مرکزي اسیا د امنیت او ثبات لپاره یو له کلیدي عناصرو دی.
نوموړي زیاته کړې ده چې، هېواد یې افغانستان ته د یوه ګواښ په سترګه نه ګوري او پر همدې بنسټ، د افغانستان د وضعیت د ارزونې له مخې، قزاقستان باور لري چې، افغانستان د سیمې د ثبات او امنیت لپاره یو فرصت دی، نه ګواښ.
نوموړي ویلي چې، د سرپرست حکومت له واکمنېدو وروسته، د کابل او استانې ترمنځ اړیکې پراخې شوي او تر ټولو لومړی یې هېواد د اسلامي امارت نوم له ممنوعه نوملړه وویست چې، موخه یې له افغانستان سره د اړیکو پراختیا وه.