د عامې روغتيا وزارت وياند ډاکټر شرافت زمان امرخېل وايي د ياد وزارت د مرکز کابل اړوند د نشه يي توکو د روږدو له يوه صحي کمپ څخه نږدې دوه سوه تنه روږدي له درملنې او جوړېدو وروسته نن ورځ رخصت او خپلو کورنيو ته وسپارل شول.
ښاغلی امرخېل زياتوي چې اوس مهال په هېواد کې نږدې ۷۰ روغتونونه او ۳ زره روغتيايي پرسونل د نشه يي توکو د روږدو زرګونه کسانو په درملنه بوخت دي.
ياده دې وي چې واک ته د سرپرست حکومت له رسېدو را وروسته لسګونه زره په نشه يي توکو روږدي کسان په اړونده روغتونونو کې تداوي او تر جوړېدو وروسته خپلو کورنيو ته سپارل شوي او دا لړۍ لا هم دوام لري.