د کابل امنیه قومندانۍ وايي، کشفي او امنیتي ځواکونو د کابل ښار په اتمه امنیتي حوزه کې له یو گودام څخه یو شمېر نمبر پېلټونه تر لاسه کړي دي.
له امنیې قومندانۍ څخه په خپره شوې خبرپاڼه کې ویل شوي، کشفي او امنیتي ځواکونو د یوه گودام د کشف په پایله کې دغه نمبر پلېټونه تر لاسه کړي او په تړاو یې ځینې کسان یې نیولي دي.: «که د موټرو دغه نمبر پلېټونه له کومو موټروانانو ورک شوي وي مهرباني وکړئ د خپلو پلېټونو د تر لاسه کولو لپاره د کابل امنیه قوماندانۍ اړوند اتمې امنیتي حوزې ته مراجعه وکړئ .»
په خبرپاڼه کې نه دي ویل شوي، چې د ټولو نمبر پېلټونو شمېر څومره دی او په تړاو یې څو تنه نیول شوي دي.په تېرو کلونو کې د هېواد په گوټ ـ گوټ کې د موټرونو غلاوې کېدې او یا هم جعلي نمبر پېلټونه جوړېدل.
په تېرو څه کم درېیو کلونو کې د یوې لسیزې مخکې ورک شوي موټرونه هم پیدا شوي او گڼ یې اصلي خاوندانو ته سپارل شوي دي.