د کندهار ښاروالۍ مطبوعاتي دفتر وايي، دغې ښاروالۍ له خپلې پراختيايي بودجې څخه د ۱۴ ميليونه افغانيو په لګښت د کندهار ښار په بېلابېلو سيمو کې د استنادي دېوالونو، کانالونو او ويالو جوړولو پروژې پيل کړې.
سرچينه وايي، په ياده پروژه کې پنځه زره متره مکعب سنګکاري شامله ده، چې په ورځني ډول به ۴۰ کسانو ته په فني او غيري فني ډول د کار زمينه برابره شي او ټولې ساختماني چارې به يې د څلورو مياشتو په موده کې پای ته ورسېږي.
د معلوماتو له مخې د يادي پروژې په تطبيق سره به د کندهار ښار په مختلفو ناحيو کې د سيلابونو خطرونه راکم، د ولاړو اوبو بدبويي او چټلۍ ورکې او په تګ راتګ کې به هم اسانتيا رامنځته شي.