د لوړو زده کړو وزیر شیخ نداء محمد ندیم کنړ ولایت ته د خپل رسمي سفر په ترڅ کې د دغه ولایت د افتاء او قضاء څانګې تخصصي جامعه پرانیستله.
ښاغلي ندیم د پرانیستې مراسمو کې ویلي، چې د ورته جامعاتو ایجاد د دې لپاره شوی چې د هېواد د محکمو چارې معیاري شي.
هغه ویلي، له دې جامعاتو فارغان کولی شي په عدلي نظام، اوقافو، مدارسو او پوهنتونونو کې ښه خدمت وکړي.
د لوړو زده کړو وزیر ویلي، موږ په عصري علومو کې د ماسټرۍ او دوکتورا برنامې لرو او په همدې ډول په دیني برخو کې هم باید د تخصص برنامې ولرو.