د کنړ ولایت د عامې روغتیا ریاست مسولینو د دې ولایت په ۳۴ روغتیايي مرکزونو کې د تم خونو او واکسین خونو د کارونو د پیل خبر ورکړی دی.
د دې ولایت د عامې روغتیا ریاست مسولینو زیاته کړې، چې په یادو پروژو څه باندې ۴ میلیونه افغانۍ لګښت راځي.
د کنړ د عامې روغتیا رئیس مظفر مخلص وایي: “د دغه ولایت په ۱۹ روغتیایي مرکزونو کې د ناروغانو د پایوازانو لپاره د ۴.۶ میلیونه افغانیو په لګښت تم خونې او په ۱۵ روغتیایي مرکزونو کې واکسین خونې جوړیږي”.
بل لور ته د کنړ اوسېدونکي هم د یادو پروژو له پیل څخه خوښي څرګندوي او وايي، چې د دغو پروژو په پلې کېدو سره به د ناروغانو او پایوازانو ستونزې تر ډیره راکمې شي.