شېر کړئ Facebook Twitter بریښنالیک Telegram WhatsApp د کورنیو چارو وزارت ویاند مفتي عبدالمتین قانع وایي، چې پولیس ځواکونو، د هېواد له نورو امنیتي بنسټونو سره په همغږۍ د نېکمرغه لوی اختر د درې ورځو امنیت په ښه توګه تأمین کړ.د نوموړي په وینا، د هېواد په ګوټ-ګوټ کې د اختر لمونځونه او نور مذهبي مراسم په ډاډمنه فضاء او ارام چاپېریال کې ترسره شول.ښاغلي قانع زیاته کړې:«د کورنیو چارو وزارت رهبري د امنیت ټینګولو له امله له ټولو امنیتي ځواکونو او د خلکو له پراخې همکارۍ مننه کوي.»
