د شمالي کوريا دولتي خبري اژانس راپور ورکړی، چې د روسیې ولسمشر ولادیمیر پوتین د شمالي کوریا له مشر کېم جونګ اون سره ټیلیفوني خبرې کړې دي.
سرچينه وايي، پوتین په دې ټلیفوني خبرو کې کېم جونګ اون ته د دې اوونۍ په جریان کې په الاسکا کې د امریکا له ولسمشر ډونالډ ټرمپ سره د پلان شویو خبرو په اړه تازه معلومات ورکړي دي.
د معلوماتو له مخې دواړو مشرانو د تېر کال د ستراتېژیکو همکاریو د تړون پر بنسټ د اړیکو د پراختیا په اړه بحث کړی دی.
راپور زیاتوي چې پوتین د کرسک د سیمې د «ازادولو» په جګړه کې د شمالي کوریا له مرستې مننه کړې او د دې هېواد د سرتېرو زړورتیا یې ستایلې ده.