په کار خو دا دی چې ترکیه هم د تاجکستان په څېر د اسلامي امارت مخالفو ډلو ته د فعالیت اجازه ورنه کړي، لکه څنګه چې د مقاومتیانو په فعالیتونو یې په تاجکستان کې پابندي ولګوله او سیاسي دفتر یې ور وتړه.
د افغانستان د تېر نړېدلي مخلوع جمهوري نظام پخواني مرستیال عبدالرشید دوستم د اسلامي امارت پر وړاندې د یوه موازي حکومت د جوړولو غږ کړی دی.
اوس پوښتنه دا پیدا کېږي چې، د دوستم موخه له موازي حکومت څخه څه شی ده؟ د کاغذي مارشال په څېر ځینې نور چې، ځانونه د اسلامي امارت د مخالفو ډلو مشران ګڼي، په ترکیه کې یې د افغانستان د نجات په نامه یوه شوری جوړه کړې، چې وخت ناوخته پکې غونډې دایروي.
که حقیقت ته ځیر شو، کومه شوری چې د افغانستان د نجات لپاره په ترکیه کې جوړه شوې، دا په حقیقت کې د افغانانو د تباهۍ او بربادۍ په نامه هم تعبیر کېدای شي.
تېره ورځ په ترکیه هیواد کې کاغذي مارشال عبدالرشید دوستم یوې غونډې ته په وینا کې د موازي حکومت د جوړولو خبره وړاندې کړې ده او دا یې هم ویلي چې، د اسلامي امارت پر وړاندې به مبارزه کوي.
دوستم د خپلو خبرو په ادامه کې ویلي او ادعا یې کړې چې، اسلامي امارت به ماتوم او خپلې مبارزې ته به دوام ورکوم؛ اسلامي امارت بیا د دوستم د دې ادعاو او څرګندولو په تړاو څه نه دي ویلي.
بلخوا امریکایي چارواکو ویلي چې، د اسلامي امارت د مخالفو ډلو، ټپلو پوځي ملاتړ نه کوي، خو له غیرطالب مشرانو او د اسلامي امارت له سیاسي مخالفینو څخه سیاسي ملاتړ کوي او لیده کاته ورسره ترسره کوي، ایا دا ډول لیده کاته به په اسلامی امارت کوم منفي تاثیرات پرېباسي؟ دا پوښتنه تاسو جواب کړئ!
یادؤنه: په هندوکشغږ کې نشر شوې لیکنې، مقالې او تبصرې یواځې د لیکوالانو نظر څرګندوي، د هندوکشغږ توافق ورسره شرط نه دی.