ورځ او نېټه: سه شنبه ۱۴۴۶/۶/۸ ھ ق.
- [ ] افغانستان:
۱_د سترې محکمې يوه پلاوي د يو شمېر مهمو دوسيو د څېړنو او بشپړولو لپاره شمال ته سفر کړی.
۲_بهرنیو چارو وزارت د سوریې پر خپلواکه خاوره د صهیونیستي رژیم هوایي بمباري په کلکو ټکو غندلې.
۳_دفاع وزارت: د ۱۴۰۴ ه.ش کال لپاره د امنیتي پلان جوړونې کلنۍ ناسته ترسره شوه.
۴_نيکلسون د اسلامي امارت او اروپايي ټولنې د اړيکو پر پراختيا ټينګار کړی.
- [ ] مینځنی ختیځ:
۱_پر غزه د صهيونيستي رژيم د وحشت دوام؛ تېرو ۲۴ ساعتونو کې ۳۷ عام وګړي شهيدان شوي. - [ ] نړۍ:
۱_وروسته له ډېرو هڅو سوريه کې د بشارالاسد د ظالم رژيم د خطرناک زندان «صيدنايا» یوه زیر زمیني پیدا شوه، چې بندیان یې په داسې حال دي، چې په پښو حرکت نه شي کولای.
۲_د لبنان په جنوب کې څلور تنه اسرائیلي پوځیان وژل شوي
۳_د فاریاب ولایت استیناف محکمې د دوو قومونو ترمنځ ۲۵ کلنه دښمني حل او فصل کړې.
۴_په خیبر کې یو ځایي وسلهوال ګروپ له پاکستاني طالبانو غورځنګ سره یوځای شو.
۵_د صیدنایا وحشي زندان یوه بله دروازه هم وموندل شوه چې له دې سره به د یاد زندان په تل خونو کې د یوې برخې بندیانو په ژغورلو کې مرسته وشي.
۶_له پرله پسې هڅو وروسته د سوریې د صیدنایا وحشي زندان ورودي دروازه د «IHH« سازمان لخوا د لېږل شوي ترکي ډلې له خوا وموندل شوه.
۷_د اسرائیلو د پوځ جنګي الوتکو له خوا د سوریې په لاذقیه بندر باندې پراخې بمبارۍ ترسره شوي دي. په دغو بمباریو کې د اووښتو زیانونو او مرګژوبلې کره شمېره نه ده وړاندې شوې خو د بریدونو شدت ته په پام سره د پراخې وېجاړۍ اټکل کېدای شي.
۸_اسرائیلو د بشار الاسد له رژیم څخه پاتې شوې د مېګ-۲۹ جنګي الوتکې بمبارد کړي او له منځه یې وړي دي.
۹_ویډیو: د صیدنایا زندان د ورودي دراوزې له موندلو وروسته په یاد زندان کې د ژغورونکو ډلو له خوا د زندان د نورو پټو دروازو د لټون عملیات دوام لري.
۱۰_د سوریې پر پوځي اهدافو د اسرائیلو د بریدونو دوام؛ د نن ورځې په اوږدو کې یې ۱۵۰ اهداف په نښه کړي
۱۱_د سوریې د ملکي دفاع ادارې د بندیانو د پټو بندخونو د موندلو په برخه کې مرسته کوونکو ته نغدي جایزه اعلان کړه.
۱۲_د بشار الاسد د ورور کور ښودل کېږي چې د ځایي خلکو له خوا ترې د کور توکي او نور وسایل لوټل کېږي.
۱۳_ويډيو: پر دمشق د صهيونيستي اسرائيلو بمبارد روان دی! په ټولتيزو رسنيو کې نشر شوې ويډيو کې ښکاري چې د پلازمېنې دمشق په برزح سيمه کې د سوریې د ساينسي څېړنو مرکز ښکاري چې د صهيونيستي اسرائيلو له لوري بمبارېږي.
۱۴_د تحريرالشام غورځنګ ځواکونو د سوریې پلازمېنې دمشق کې د بشارالاسد د رژيم سرتيري نيولي خو، خوشې کوي يې او ورته وايي تاسو زموږ کورونه وران کړل بچي مو را ووژل خو ځئ لاړ شئ تاسو ازاد ياست.
۱۵_د صهیونیستي اسرائیل هوایي ځواکونو د سوریې د حمص ښار په ځینو برخو کې پر پوځي ځایونو، د وسلو او مهماتو پر ډیپوګانو بریدونه کړي.
۱۶_د بشار الاسد د پلار حافظ الاسد د یوې سترې مجسمې د نړېدو په خوشحالۍ کې یو مسیحي په لوړ غږ د «شهادت» کلیمه وایي او ترې وروسته د دغه وحشي دکتاتور پر مجسمې په برید سره خپله هیله پوره کوي.
۱۷_د بشارالاسد رژيم له زندانونو خوشې شويو ډېرو بنديانو د ډول ډول شکنجو له امله خپلې حافظې له لاسه ورکړي.
۱۸_د سوريې د پلازمېنې دمشق په «حرستا» نومي روغتون کې د صيدنايا زندان د هغو بنديانو جسدونه دي چې د بشارالاسد د وحشي رژيم له لوري اعدام شوي وو، په يادو جسدونو د سختې شکنجې علايم له ورايه ښکاري.
۱۹_د صهیونیستي اسرائیل هوایي ځواکونو د سوریې په پلازمېنه دمشق کې تر ټولو مهم پوځي ځایونه په نښه کړي او په دغه ښار کې لا هم د درنو چاودنو غږونه اورېدل کېږي.
۲۰_د اسرائیل هوایي او ځمکنیو ځواکونو له خوا د سوریې په مختلفو برخو کې لا هم بریدونه دوام لري او د دغه رژیم پوځي زغرهوال ټانګونه دمشق ته نږدې د قطانه ښار ته چې له دمشق ښار څخه نږدې شل کیلو متره فاصله لري، رسېدلي دي.
۲۱_د بشارالاسد د وحشي رژيم له زندانونو څخه د نړۍ په کچه د سترو جنايتونو پېښې رابرسېره کېږي
۲۲_د سوریې پر پلازمېنه دمشق د صهيونيستي اسرائيلو ښکاره تېری پيل شوی.
۲۳_د سوریې پر پوځي اهدافو د اسرائیلو د بریدونو دوام؛ لسګونه جنګي الوتکې یې ویجاړې کړي دي.
۲۴_
پاملرنه: د پورته خبرونو د تفصیل کتلو لپاره د هندوکشغږ د خبرونو څانګې ته مراجعه وکړئ.