د افغانستان اسلامي امارت د ریاست الوزراء اداري مرستیال مولوي عبدالسلام حنفي د کابل پوهنتون د د محصلینو په فراغتغونډه کې د وینا پر مهال ویلي: «تېرو درېو کلونو کې د اداري اصلاحاتو له لارې د پوهنتونونو د بېلابېلو څانګو ۴۳ زره فارغان د ازادې سیالۍ له لارې د هیواد په بېلابېلو ادارو کې جذب شوي دي.»
د ریاست الوزراء ادارې مرستیال د دې په بیانولو سره چې اسلامي امارت ځوانانو ته د تحصیل مناسب فرصتونه برابر کړي، څرګنده کړې ده چې د هیواد په ډېرو پوهنتونونو کې د ماسټرۍ او دکتورا زده کړو زمینه برابره شوې او غوښتونکي کولای شي له دې طلایي فرصت څخه په استفادې خپل علمي ظرفیت لوړ کړي.
د یادونې ده چې سږکال د کابل پوهنتون له ۷۲ څانګو څخه ۲۳۰۸ تنه محصلین فارغ شوي دي.