د یوې امریکایي څېړنیزې ادارې د موندونو له مخې، پاکستان د حماس او صهیونیستي رژیم ترمنځ د جګړې پر مهال د فلسطینیانو پر ضد له صهیونیستي رژیم سره د توپ د درندو مرمیو مرسته کړې.
د دې ادارې د موندنو له مخې، که څه هم پاکستان، صهیونیستي رژیم په رسميت نه پيژني او هغه خپل دښمن بولي خو د پاکستان او یاد رژیم ترمنځ پټې اړيکې او د وسلو پلور نوی لوری خپل کړی.
د دغې ادارې په راپور کې راغلي چې، د دغه وسلو په اړه پټ اسناد د اې اېم اېف د بيلونو له مخې په ډاګه شوي.
راپور کې وړاندې راغلي چې، د انګلستان د هوايي ځواک «RRR6664/5» الوتکې له بحرين څخه د پاکستان راولپنډۍ ښار «نور خان» بېز ته څو پروازونه کړي او له دغه ځايه يې د توپ «155mm» مرمۍ لومړی بحرين بيا عمان او له هغه ځایه یې بيا د قبرس «اکروتيري» هوایي ډګر کې د صهیونیستي رژیم د وسلو ډیپو ته رسولي دي.
راپور کې وړاندې راغلي چې، یاد مهمات بیا له «اکروتيري» هوایي ډګر څخه د امريکا او اسرائيلو نواتيم او بنګورین هوايي ډګر لېږدولي دي.
د شته انځورونو له مخې، یادې الوتکې لومړی پاکستان، ترې وروسته بحرين او عمان او بيا قبرس ته تللې ده.