هندوکش غږ ته له خوست ولايت څخه ځايي سرچينې وايي، چې د پاکستان د ډرون الوتکو په بېګاني بريد کې د دې ولايت د سپېرې ولسوالۍ اړوند سور کوخ سیمه کې د حاجي نعیم خان په نوم د يوه عام وګړي کور په نښه شوی چې په ترڅ کې یې د یاد کور د يوې ښځې په ګډون دوه ماشومان شهیدان شوي دي.
سرچينه وايي په شهيدانو سربېره درې ښځې، يوه ماشومه او يو نارينه ټپيان هم دي.
په شهيدانو کې د همايون او حمزه په نوم دوه ماشومان دي، چې عمرونه یې له لسو کلونو ټيټ دي.
ياده دې وي، چې بېګا شپه پاکستاني رژيم پر خوست سربېره ننګرهار کې هم عامو وګړو ته مرګ ژوبله اړولې ده.