د کانونو او پټرولیم وزارت خبر ورکړی، چې د دغه وزارت د پالیسۍ مرستیال شیخ عبدالرحمن قانت د ایران د اوسپنیزو ډبرو ټولنې له رئیس مهرداد اکبریان او په کابل کې د ایران سفارت له استازي حسین روستایي سره کتلي.
د وزارت په خبرپاڼه کې راغلي، چې په دې کتنه کې د اقتصادي همکاریو پر پراختیا په ځانګړې توګه د کانونو د موندنې، کیندنې او د افغانستان پر کاني سرچینو پانګونه باندې خبرې ترسره او د دوهاړخیزو اړیکو پر پیاوړتیا ټینګار شوی.
