شېر کړئ Facebook Twitter بریښنالیک Telegram WhatsApp ملي دفاع وزارت وایي، د ۲۰۵ البدر قول اردو ځواکونو د کندهار-سپین بولدک پر عمومي سړک ګڼ شمېر وسلې او مهمات نیولي.د یاد وزارت په وینا، په نیول شویو وسلو او مهماتو کې اېمفور وسلې، کلاشینکوفونه، نارنجک، توپنګچه، دوه زره او ۸۶۸ فیره مختلفې مرمۍ، پنځه دربینونه، اووه د اېمفور دربینونه، یو دانه مینپال، ۳۴ مختلف ډوله شاجورونو، ۷۳۱ عدد د اسلحې مختلفې پرزې شاملې دي.سرچینه زیاتوي، چې د یادو وسلو او مهماتو په تړاو دوه کسان نیول شوي، چې تر لومړنیو څېړنو وروسته به عدلي او قضایي ارګانونو ته وروسپارل شي.ملي دفاع وزارت د نیولو شویو کسانو د هویت په اړه څه نهدي ویلي؛ خو تر دې وړاندې د پرځول شوي جمهوریت عسکر په ورته جرمونو کې ښکېل پېژندل شوي دي.
