د ۲۲۱ شهید افتاب فرقې اړوند د پروان ولايت ٢١٠٢ پلې لواء ځواکونو د دغه ولایت «شیخ العلي» ولسوالۍ خاک علي سیمه کې د درنو وسلو لسګونه فیره مرمۍ کشف او ترلاسه کړي.
د یادې لواء رسنیز دفتر هندوکشغږ ته ویلي، چې په ترلاسه شویو مهماتو کې ۴۰ فیره د هاوان مرمۍ، ۴۷ فیره د زیکویک او څلور د نارنجک مرمۍ شاملې دي.
د سرچینې په خبره، یاد مهمات له یوه ویجاړ شوي کور څخه ترلاسه شوي؛ خو په تړاو یې څوک نهدي نیول شوي.
د پروان پلې لواء مسئولینو ډاډ ورکړی، چې دفاعي ځواکونه تل پهدې هڅه کې دي چې ډاډمن چاپېریال برابر او غیر قانوني ځای پرځای شوي نظامي توکي کشف او ترلاسه کړي.