کورنیو چارو وزارت وایي، د هرات امنیه قوماندانۍ د ورکشاپ منسوبینو د روان کال په جریان کې یو زر او ۳۵۶ عرادې پوځي وسایط ترمیم او ګټې اخیستنې ته چمتو کړي.
په دغو وسایطو کې ټانکونه، رنجر، انټرنیشنل او نور نظامي وسایط شامل دي، چې د ګټې اخیستنې لپاره پولیس ځواکونو ته سپارل شوي دي.
د هرات امنیه قوماندانۍ مسئولینو ویلي، چې د تخنیکي او لوجستیکي امکاناتو پیاوړتیا یې له لومړیتوبونو څخه شمېرل کېږي.
#هندوکشغږ