نیویارک ټایمز راپور ورکړی، وروسته له هغه چې ولسمشر ټرمپ په خپله یوه ټولنیزه رسنۍ کې له ایرانه وغوښتل چې د هرمز تنګی بېرته پرانیزي، په زمبابوې کې د ایران سفارت پر اېکس (ټویټر) په ټوکې سره ځواب ورکړی «کیلۍګانې رانه ورکې شوې دي.»
د امریکا او اسرائیل له بریدونو راوروسته، د ایران د ګڼو سفارتونو د ټولنیزو رسنيو رسمي حسابونه ډېر فعال شوي او ډېر کله د ټرمپ د خبرو له سبک سره ورته توند او طنزي پوسټونه کوي.
په دې برخه کې، په جنوبي افريقا کې د ایران سفارت تر ټولو زیات فعال ښکاري. ياد سفارت د ټرمپ له لوري نړۍ کې د سولې راوستلو ادعا ته په اشارې یو کارټون خپور کړی و، چې پکې د سولې مرغۍ د جنګي الوتکې يه سیوري سره یوځای ښودل شوې وه.